Уладзімір Лабковіч: Палітычным партыям доступ у дзяржаўныя СМІ закрыты

2009 2009-02-10T16:00:00+0200 1970-01-01T03:00:00+0300 be http://spring96.org/files/images/sources/labkovich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Лабковіч

Уладзімір Лабковіч

Дзяржаўная прэса адмаўляецца публікаваць артыкулы апазіцыйных партый, нягледзячы на тое, што закон гарантуе ім доступ да СМІ.

 

Аб гэтым адказны сакратар Управы БНФ і праваабаронца Ўладзімір Лабковіч заявіў у інтэрв'ю прэс-цэнтру Хартыі’97, каментуючы адмову афіцыйнай «Народной газеты» публікаваць артыкул Партыі БНФ «Аб крызісным становішчы ў беларускай эканоміцы».

 

«Часта вядуцца размовы аб тым, што ў нас у краіне нібыта ўсе маюць роўныя магчымасці для звароту ў СМІ, таксама і прадстаўнікі апазіцыі. Але тое, што заяўляе намглавы адміністрацыі Лукашэнкі Наталля Пяткевіч, не адпавядае рэчаіснасці. Закон аб палітычных партыях гарантуе ім доступ да СМІ, у першую чаргу – дзяржаўных. А нам адмовілі ў публікацыі артыкула ў «Народной газете», як тыдзень таму адмовілі і ў віцебскай дзяржаўнай газеце», - кажа праваабаронца.

 

«Гэта яшчэ раз пацвярджае, што ніякіх змен у сферы свабоднага доступу да інфармацыі, якіх патрабуе ад беларускіх улад Еўразвяз, папросту няма. Ніякіх змен не адбываецца», - канстатуе Ўладзімір Лабковіч.

 

Як ужо паведамлялася, 23 студзеня Партыя БНФ накіравала звароты ў беларускія рэспубліканскія газеты з просьбай апублікаваць зацверджаную на апошнім Сойме Партыі БНФ Пазіцыю «Аб крызісным становішчы ў беларускай эканоміцы».

 

9 лютага прыйшоў адказ ад галоўнага рэдактара «Народной газеты» Ў.У. Андрыевіча, які адмовіўся публікаваць матэрыял, спаслаўшыся на артыкул 35 Закона Рэспублікі Беларусь «Аб друку і іншых сродках масавай інфармацыі», паводле якога «рэдакцыі па сваім рашэнні адбіраюць і публікуюць адрасаваныя ім лісты. Ніхто не мае права абавязаць рэдакцыю публікаваць адхіленыя ёй матэрыялы».

 

На мінулым тыдні публікаваць Пазіцыю Партыі БНФ «Аб крызісным становішчы ў беларускай эканоміцы» адмовілася віцебская газета «Віцьбічы».

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international