Наталля Пяткевіч: Новы закон аб СМІ не нацэлены на "зачыстку" медыйнай прасторы Беларусі

2009 2009-02-04T13:57:17+0200 1970-01-01T03:00:00+0300 be

"Новы закон аб СМІ не нацэлены на "зачыстку" медыйнай прасторы Беларусі. Такая мэта не стаяла і не будзе стаяць", — заявіла першы намеснік кіраўніка Адміністрацыі прэзідэнта Беларусі Наталля Пяткевіч на пасяджэнні круглага стала, што праходзіць 4 лютага ў Мінску з удзелам прадстаўнікоў беларускіх уладаў і міжнародных арганізацый.

 

Паводле слоў Н.Пяткевіч, дзейны закон аб сродках масавай інфармацыі састарэў, а новы не парушае правоў журналістаў і беларускіх грамадзян.

 

У якасці пацвярджэння сваіх слоў яна спаслалася на спрашчэнне працэдуры рэгістрацыі СМІ, стварэнне савета па маніторынгу настрояў медыйнай супольнасці і адсутнасць норм аб рэгістрацыі інтэрнет-СМІ.

 

Яркім прыкладам адсутнасці мэты "зачысткі" інфармацыйнай прасторы Н.Пяткевіч назвала паведамляльны парадак рэгістрацыі СМІ. Акрамя таго, паводле яе слоў, у адпаведнасці з указам прэзідэнта пры перарэгістрацыі не будзе збірацца дзяржаўная пошліна. "Апанентам закона я магу сказаць: пачакайце, самае галоўнае — як закон будзе рэалізоўвацца на практыцы", — зазначыла Н.Пяткевіч.

 

Яна звярнула ўвагу на тое, што СМІ называюць чацвёртай уладай, і падкрэсліла: паўнамоцтвы ўлады прадугледжваюць не толькі правы, але і "істотныя абавязкі і высокую адказнасць".

 

Кіраўнік офіса АБСЕ ў Мінску Ханс-Йохан Шміт падзякаваў Н.Пяткевіч за прысутнасць на семінары і працу беларускіх уладаў па развіцці СМІ ў краіне.

 

Аташэ прадстаўніцтва Еўракамісіі ў Беларусі Яніс Айзсалніекс таксама прывітаў правядзенне круглага стала. Ён зазначыў, што ЕК "будзе сачыць за ходам і рэалізацыяй вынікаў працы гэтага мерапрыемства".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international