Франак Вячорка адпраўлены ў вайсковую частку ў Баранавічы
Франак Вячорка адпраўлены ў вайсковую частку. Як стала вядома, яго накіравалі ў Баранавічы, у радыётэхнічную вайсковую частку.
Нагадаем, што згодна з рашэньнем суду Савецкага раёна Менска , усе мерапрыемствы аб прызыве ў дачыненьні да Франака Вячоркі былі прыненыя – да уступленьня ў сілу рашэньня суда. Таму дзеяньні ваенкамату абсалютна супрацьзаконныя.
Гвалтоўны прызыў моладзевага актывіста з’яўляецца грубым парушэньнем дзеючага заканадаўства Рэспублікі Беларусі. Паводле Закону аб вайсковай службе і вайсковым абавязку РБ, мерапрыемствы па прызыву прыпыняюцца судом да ўступленьня ў законную сілу рашэньня суда. Паколькі рашэньне па скарзе Франака Вячоркі было вынесенае з грубымі парушэньнямі ГПК РБ, фактычна завочна, без удзелу заяўніка і ягонага адваката, да таго ж дадзенае рашэньне не ўступіла ў законную сілу, дзеяньні супрацоўнікаў ваенкамату Савецкага раёну Мінска супрацьпраўныя.
Такія рэпрэсіўныя метады ў дачыненьні да моладзевага лідэра Франака Вячоркі маюць яскравую палітычную афарбоўку, што неаднаразова падкрэслівалі праваабаронцы.
