Сёньня Дзень памяці ахвяраў Халакосту

2009 2009-01-27T15:55:17+0200 1970-01-01T03:00:00+0300 be

Сёньня ва ўсім сьвеце адзначаецца Міжнародны дзень памяці ахвяраў Халакосту. Гэтая памятная дата была ўстаноўлена Генэральнай Асамблеяй ААН у 2005 годзе. Менавіта 27 студзеня 1945 году Чырвоная армія вызваліла адзін з найбуйнейшых нацыскіх канцлягераў “Аўшвіц-Біркэнаў”.
 
Ахвярамі Халакосту сталі больш за 800 тысячаў беларускіх габрэяў. На тэрыторыі Беларусі існавала каля 200 лягераў сьмерці.

Мерапрыемства па ўшанаваньні памяці ахвяраў Халакосту адбудзецца сёньня і ў Менску. А 17.00 гадзіне распачанецца імпрэза ў Менскім габрэйскім грамадзкім доме. Распавядае Міхал Гальперын з аб’яднаньня “Хэсэд-Рахамім”.

М. Гальперын: Спачатку адбудзецца мітынг, падчас якога мы запалім жалобныя сьвечы, потым будзе паказ фільму й ўзнагароджаньне ўдзельнікаў конкурсу “Халакост”. На мерапрыемства запрошаныя дыпляматы, у прыватнасьці кіраўнік ізраільскай амбасады, прадстаўнік ААН, а таксама чальцы рэлігійных і сьвецкіх габрэйскіх арганізацый.

Агулам за гады нацысцкай палітыкі генацыду загінулі 6 мільёнаў габрэяў. На той момант гэтая лічба складала палову габрэяў ва ўсім сьвеце.

Тэрмін Халакост упершыню прагучаў з вуснаў ляўрэата Нобэлеўскай прэміі, пісьменьніка Элі Вэзэля. Словам Халакост ён акрэсьліў газавыя камэры й крэматорыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international