Дэмакратычныя актывісты дабіліся, каб суд над былым гомельскім псіхіятрам быў адкрытым

2009 2009-01-14T09:48:23+0200 1970-01-01T03:00:00+0300 be

У судзе Навабеліцкага раёна Гомеля 13 студзеня прайшло чарговае пасяджэнне па справе былога ўрача абласной псіхіятрычнай бальніцы, які абвінавачваецца ў наўмысным падпале будынкаў.

Як паведаміў былы калега абвінавачанага, дэмакратычны актывіст Сяргей Трыфанаў, суддзя нечакана аб'явіў працэс закрытым — з-за ўдзелу ў ім непаўналетніх сведак.

"Матэрыялы справы не ўтрымліваюць дзяржаўнай тайны, не разглядаюцца таксама і якія-небудзь адносіны інтымнага характару, таму суд не можа быць закрытым", — лічыць С.Трыфанаў.

"Нават на пачатак пасяджэння, калі яно яшчэ было адкрытым, дзяжурны міліцыянер не пусціў у будынак некаторых людзей, а калі я дастаў камеру і пачаў здымаць тое, што адбываецца, мяне сталі выганяць з суда. Усё гэта — парушэнне канстытуцыйных правоў, — заявіў дэмакратычны актывіст Канстанцін Жукоўскі. — Таму я выклікаў міліцыю і зрабіў запіс у кнізе скаргаў. Праваахоўныя органы маё паведамленне праігнаравалі, і нарад не прыехаў, затое старшыні раённага суда пазванілі з абласнога суда, і праз 15 хвілін працэс зноў быў аб'яўлены адкрытым".

Наступнае пасяджэнне па справе былога псіхіятра, якую дэмакратычныя актывісты лічаць сфабрыкаванай, прызначана на 20 студзеня, паведамляе БелаПАН

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international