За адмову ад дактыласкапіі журналісту пагражаюць расправай

2008 2008-12-24T12:49:23+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Карэспандэнт «Комсомольской правды в Беларуси» Павел Міцкевіч адмовіўся ад дактыласкапіі. За гэта яму пагражаюць заклікаць на ваенныя зборы і выклікаць у КДБ.

 
Журналіста позвай выклікалі ў міліцыю для «абавязковай дактыласкапіі».

 
«Мяне па позве выклікалі ў Цэнтральны РАУС Гомеля. Было паказана, што з'явіцца належыць для абавязковага дактыласкапавання. Але я ведаў, што «пальчыкі» міліцыя можа браць толькі ў людзей, у чымсьці падазраваных. Калі я прыйшоў у экспертна-крыміналістычнае аддзяленне, адразу спытаў: навошта мяне выклікалі і чаму дактыласкапаванне абавязковае», - піша журналіст на сайце kp.by.

 
Супрацоўнік міліцыі пацвердзіў, што зняцце адбіткаў пальцаў праходзіць добраахвотна, але ў выпадку адмовы… журналістам будуць займацца ўпраўленне па барацьбе з арганізаванай злачыннасцю і камітэт дзяржбяспекі!

 
«Гэта па справе аб выбуху ў Менску, Аляксандр Лукашэнка жа казаў. Адбіткі бярэм у ўсяго мужчынскага насельніцтва рэспублікі 18-55 гадоў. А вам ёсць што хаваць? Вядома, можаце адмовіцца, гэта добраахвотная працэдура. Але, як мы жартуем, за табой прыйдуць уначы. Так што, адмаўляецеся? Кайданкі ніхто апранаць не будзе, але я напішу рапарт.

 
І тады вамі зоймуцца іншыя органы: упраўленне па барацьбе з арганізаванай злачыннасцю і Камітэт. Яны правераць ваша магчымае дачыненне да выбуху іншымі метадамі. Або на ваенныя зборы могуць заклікаць, а ў гэтым выпадку здаць адбіткі вы будзеце абавязаныя», - бесцырымонна адказаў міліцыянт.

 
У райаддзеле распавялі, што дактыласкапію ў сувязі з выбухам тут вядуць з кастрычніка.

 
«За гэты час адмовілася ўсяго чалавек 7-8. Хтосьці не прыйшоў па позвах. Яшчэ адну дашлем. А потым ужо ўручаць будзем. Адкатаем адбіткі, гэта і для прафілактыкі будзе карысна. Чалавек задумае злачынства, і ўспомніць: а дактыласкапію-то я ўжо здаў!», - заявілі ў райаддзеле.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international