Супрацоўнікі КДБ шантажаюць маці актывіста

2008 2008-12-16T13:10:39+0200 1970-01-01T03:00:00+0300 be

Супрацоўнікі КДБ пагражалі маці маладафронтаўца Юльяна Місюкевіча адлічэньнем яе сына з унівэрсытэту, калі яна ня выступіць па тэлеканале БТ.

 
У пятніцу, пасьля затрыманьня актывіста Менскага Маладога Фронту Юльяна Місюкевіча за распаўсюд газэт, супрацоўнікі КДБ, што прыехалі ў апорны пункт на вакзал, патэлефанавалі яго маці і папрасілі сустрэцца. Напалоханая жанчына на наступны дзень прыехала зь Ліды, дзе яна жыве і працуе, у Менск.

 
На сустрэчы, спадар Пятроўскі, прынамсі так прадставіўся супрацоўнік КДБ, распавёў жанчыне пра небясьпечную грамадзкую дзейнасьць яе сына. Таксама ён апавёў, што можа лёгка дамагчыся, каб яе сына выключылі з фізфака БДУ, дзе навучаецца Юльян Місюкевіч. І адзіным сродкам, каб пазьбегнуць гэтага - ёсьць выступ па тэлеканале БТ з аповядам пра тое, як яе сына залучаюць у "экстрэмісцкую арганізацыю". Супрацоўнік КДБ нават прызначыў чам і месца тэлевізійнай здымкі...Маці Юльяна Місюкевіч адмовілася ад ўдзелу ў гэтай хлусьні.

 
Нагадаем, што шантаж зьяўляецца крымінальным злачынствам, а таксама амаральным і брыдкім учынкам, бо гуляць на слабых месцах клапатлівых жанчын, якія хвалююцца за сваіх дзяцей, могуць толькі слабакі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international