Cёння адновяцца слуханні па справе аб маёмасці царквы “Новай жыццё”

2008 2008-12-03T12:19:34+0200 1970-01-01T03:00:00+0300 be

У Вышэйшым гаспадарчым судзе Беларусі сёння адновяцца слуханні па справе аб маёмасці мінскай царквы “Новай жыццё” – кіраўніцтва пратэстанцкай супольнасці працягвае дамагацца прызнання за сабой права на карыстанне ўласным будынкам, што знаходзіцца у сталічным мікрараёне Сухарава.

 
Паводле старэйшага юрыста царквы Сяргея Луканіна, прыхаджане “Новага жыцця” вітаюць працяг слуханняў, што першапачаткова мусілі адбывацца яшчэ ўвосені 2006 году, і спадзяюцца, што кіраўніцтву супольнасці ў межах судовага працэсу ўсё ж удасца адстаяць права на карыстанне ўласным будынкам.

 

- У красавіку 2007 году судовая справа была прыпыненая з фармулёўкай аб тым, што суддзі нібыта патрэбны кансультацыі з адпаведнымі органамі. Зараз справа нарэшце ізноў працягнутая, да таго ж з фармулёўкай, што прычыны для кансультацый з такімі органамі адпалі.

 
Нагадаем, што канфлікт паміж вернікамі “Новага жыцця” і гарадскімі ўладамі распачаўся яшчэ ў 2005 годзе, калі будаўнічае ўпраўленне Мінскага гарвыканкаму абавязала царкву прадаць уласны будынак у муніцыпальную ўласнасць, фактычна застаўшыся без "даху". Рашэнне гарвыканкаму тады падтрымалі і суддзі гаспадарчага суду г.Мінску. У адказ на гэта ўвосені 2006-га пратэстанты абвясцілі галадоўку і звярнуліся па дапамогу ў Вышэйшы гаспадарчы суд, які некалькі разоў па розных прычынах пераносіў слуханні, што нарэшце маюць быць працягнутыя сёння.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international