У Менску затрымалі ўдзельнікаў акцыі «МТС па-беларуску»

2008 2008-11-24T19:04:09+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

 

У Менску каля офіса аператара мабільнай сувязі МТС на праспекце Незалежнасці адбылася акцыя з заклікам перавесці абслугоўванне абанентаў на беларускую мову.

У акцыі «МТС па-беларуску» прынялі ўдзел актывісты арганізацыяў «Моладзь БНФ» і «Малады Фронт». Як распавёў прэс-цэнтру Хартыі’97 адзін з арганізатараў пікету Франак Вячорка, моладзевыя актывісты ўсталявалі насупраць офіса МТС стэнд кампаніі «МТС па-беларуску», раздавалі сцяжкі і збіралі подпісы ў мінакоў з заклікам да МТС перавесці галасавы сэрвіс і пакет дакументаў абанентаў кампаніі на беларускую мову. Планавалася таксама перадаць у офіс МТС адпаведны зварот вядомых людзей Беларусі.

Аднак на месца акцыі прыбылі супрацоўнікі міліцыі і затрымалі шасцярых з 20 удзельнікаў. Затрыманыя былі, у тым ліку, сам Франак Вячорка, адзін з лідэраў «Маладога Фронту» Іван Шыла і іншыя.

У аддзяленні міліцыі Першамайскага раёну апазіцыянераў пратрымалі больш за гадзіну і, перапісаўшы іх пашпартныя дадзеныя, вызвалілі.

«Здаецца, што менская міліцыя працуе ўжо «на аўтапілоце». І у гэты раз спрацавала перастрахоўка саміх міліцыянераў. Але я думаю, што пасля гэтага кампанія МТС павінна звярнуць увагу на кампанію беларусізацыі сваіх паслугаў», -- сказаў Франак Вячорка пасля вызвалення.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international