Камітэт па правах чалавека ААН разгледзіць паведамленьне Паўла Левінава

2008 2008-11-24T11:26:29+0200 1970-01-01T03:00:00+0300 be http://spring96.org/files/images/sources/levinau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Праваабаронца Павел Левінаў

Праваабаронца Павел Левінаў

У Камітэце па правах чалавека ААН у Жэневе прынята рашэньне аб рэгістрацыі паведамленьня праваабаронцы - прадстаўніка "БХК" у Віцебскім рэгіёне Паўла Левінава.

У паведамленьні праваабаронца паведаміў пра парушэньне Рэспублікай Беларусь артыкула 7, пункта 3 артыкула 9, пункта 1 артыкула 10, пунктаў 1 і 2, падпункта "b" пункта 3 артыкула 14, пунктаў 1 і 2 артыкула 19 і артыкула 26 Міжнароднага пакта аб грамадзянскіх і палітычных правах.

У паведамленьні прыведзеныя факты дыскрымінацыі праваабаронцы за перакананьні, абмежаваньні яго права на атрыманьне юрыдычнага прадстаўніцтва, парушэньні яго права на прэзумпцыю невінаватасці, аб яго незаконным і адвольным арышце, аб нялюдскім абыходжаньні з ім, аб парушэньні права прытрымлівацца сваіх меркаваньняў і права на вольнае выказваньне свайго меркаваньня, а таксама аб парушэньні права на справядлівы судовы разгляд.

Нагадаем, Павел Левінаў быў затрыманы супрацоўнікамі міліцыі напярэдадні галасаваньня на мясцовых выбарах 2007 года за расклейку на дошках аб'яў у пад'ездаў дамоў плакатаў "STOP! НЯМА ВЫБАРАЎ БЕЗ ВЫБАРУ", утрымліваўся ў ізалятары часовага затрыманьня да суда, якім быў падвергнуты адміністрацыйнаму спагнаньню за … дробнае хуліганства (нецэнзурная лаянка).

 

Фота: baj.by 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international