Жонку праваабаронцы выклікаюць у КДБ

2008 2008-11-20T12:23:08+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння супрацоўнік КДБ патэлефанаваў дадому Аліне Стэфановіч, жонцы праваабаронцы Валянціна Стэфановіча, і запрасіў на размову.

- Тэлефанаванне раздалося на хатні тэлефон. Мужчына мне не прадставіўся. Сказаў, што з КДБ і запрашае на размову. Пра мэту выкліку я не ведаю. Магчыма, нешта і сказаў бы, але я рэзка перапыніла размову, сказала, што нікуды не пайду і паклала слухаўку. Тады ён ператэлефанаваў яшчэ раз і сказаў, што будзе выклікаць мяне позвай. І гэта ўжо не першы выпадак, падобнае тэлефанаванне было і напрыканцы лета, - паведаміла Аліна Стэфановіч.

Што магло стацца прычынай выкліку, жанчына не ведае. Паводле яе словаў, цікавасць да яе з боку КДБ можа быць выкліканая дзейнасцю яе мужа. Аліна бачыць у гэтым пэўную тэндэнцыю, маючы на ўвазе, што зусім нядаўна, 14 лістапада, ў КДБ выклікалі жонку сустаршыні па стварэнні партыі БХД Віталя Рымашэўчкага Анастасію Чэрнік-Рымашэўскую.

Па словах Анастасіі, кэдэбоўцы, патэлефанаваўшы, таксама не паведамілі, з якой нагоды яе выклікаюць. Пасьля таго, як яна адмовілася ад запрашэння, супрацоўнік КДБ прапанаваў уласна прыехаць да яе на кватэру, прычым увечары, на што атрымаў адмову. Выклік у КДБ жанчына таксама звязвае з дзейнасцю мужа.

Верагодна, такім чынам у КДБ спрабуюць знайсці нейкую дадатковую інфармацыю альбо кампрамат на відных грамадскіх дзеячаў і палітыкаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international