Берасьцейскіх настаўнікаў прымушаюць уступаць у “Белую Русь”

19.11.2008. Тэгі: прымус, Белая Русь.
Крыніца: Прэс-служба «Маладога Фронту».

У Берасьцейскай школцы № 32 да канца месяца ўсе настаўнікі павінны стаць чальцамі “Белай Русі”. Такі загад прыйшоў “зьверху”.

 

“Напрыканцы настаўніцкага пасяджэньня дырэктарка, Міховіч Т.В, аб’явіла, што нашая 32-я школа знаходзіцца ў сьпісе апошніх па колькасьць чальцоў “Белай Русі”, і мы не выконваем дадзены плян. Яна дастала стос паперы і сказала, каб цягам дня ўсе настаўнікі гісторыі і беларускай і рускай мовы напісалі заявы аб уваходжаньні ў “Белую Русь”. А да канца месяца ўсе выкладчыкі павінны стаць чальцамі гэтага аб’яднаньня”,– распавяла прэс-службе Маладога Фронту настаўніца 32-й школы Кацярына.

 

Па яе словах, настаўнікі былі вельмі абураны загадам дарэктара, аднак, амаль усе ўсё ж пайшлі пісаць заявы...

Дадаць камэнтар

Камэнтары