У Гародні ізноў забаранілі Грунвальд

2005 2005-07-14T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

12 ліпеня старшыня Гарадзенскай абласной арганізацыі Партыі БНФ Сяргей Мальчык атрымаў адмоўны адказ на заяўку аб правядзенні масавай акцыі, прымеркаванай да 595-х угодкаў Грунвальдскай бітвы. “Гэтая адмова толькі апошняя ў шэрагу іншых: за апошнія тры гады гарвыканкам не даў дазволу на правядзенне ніводнай акцыі, нягледзячы на тое, што ўсе паперы былі падрыхтаваныя і пададзеныя згодна з дзеючым заканадаўствам. Але тым ня менш усе запланаваныя акцыі ў Гародні заўсёды адбываліся,” -- зазначыў сп. Мальчык.
Старшыня Праваабарончага Цэнтру “Вясна” Алесь Бяляцкі пракаментаваў такія паводзіны гарадзенскіх выканаўчых уладаў наступным чынам: “Гарадзенская вертыкаль паводзіць сябе як тыповыя культтрэгеры. Мала што яны зьневажаюць беларускую гісторыю, робячы выгляд, а можа і сьвята верачы ў тое, што ўся гісторыя беларусаў пачалася з часоў утварэньня калгасаў і сьвінакомплексаў, а ўсё, што было перад гэтым – сьмецьце і друз, дык яны яшчэ зьневажаюць нацыянальныя пачуцьці нацыянальных меншасьцяў, таму як для палякаў і літоўцаў, якія пражываюць на гарадзеншчыне, Грунвальдзкая бітва адназначна зьвязаная са славутымі старонкамі ў гісторыі гэтых народаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international