Затрыманыя ў Мінску актывісты "Моладзі БНФ" адпушчаны

2008 2008-11-18T09:41:28+0200 1970-01-01T03:00:00+0300 be

Затрыманыя ў Мінску актывісты маладзёжнай арганізацыі Партыі БНФ "Моладзь БНФ" адпушчаны з міліцыі без складання пратаколаў.

Як паведаміў лідэр арганізацыі Франак Вячорка, ва УУС Савецкага раёна ў актывістаў - намесьніка старшыні Моладзі БНФ Сяржука Карповіча, сябраў арганізацыі Міхала Нядзьвецкага, Ілі Шчаснага, Сяржука Гурука, а таксама фатографа Уладзімера Грыдзіна, які здымаў акцыю - былі ўзяты тлумачэнні, пасля чаго маладых людзей вызвалілі, канфіскаваўшы некалькі дзесяткаў асобнікаў Дэкларацыі правоў студэнтаў Беларусі.

Вечарам 17 лістапада на тэрыторыі Беларускага нацыянальнага тэхнічнага універсітэта члены "Моладзі БНФ" раздалі некалькі соцень асобнікаў дэкларацыі. Акцыя была ўзгоднена Ф.Вячоркам з універсітэцкім аддзяленнем БРСМ. Аднак пасля таго як маладыя людзі пачалі раздачу дэкларацый у будынку галоўнага корпуса БНТУ, яны былі затрыманы службай аховы.

Маладых людзей адвялі ў рэктарат універсітэта. Кіраўніцтва навучальнай установы выклікала міліцыю, і затрыманыя былі дастаўлены ва УУС Савецкага раёна, на тэрыторыі якога знаходзіцца БНТУ, паведамляе БелаПАН.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international