Пераслед клецкага актывіста Яўгена Мікуліча

2008 2008-11-10T14:40:06+0200 1970-01-01T03:00:00+0300 be

Пасьля сустрэчы з крыміналістам Клецкага РУУС Сяргеем Касьцюкевічам актывіст Руху «За Свабоду» Яўген Мікуліч зьвярнуўся ў пракуратуру з просьбай абараніць яго і яго сям’ю.

Напрыканцы кастрычніка актывіста прымусілі здаць адбіткі пальцаў. У прысутнасьці ваенкома Дзьмітрыя Гадуна супрацоўніца міліцыі пагражала Я. Мікулічу ў выпадку яго адмовы ад дактыляскапіі пакараць актывіста штрафам у 6 базавых велічынь і суткамі адміністрацыйнага арышту. Пра ўсе гэтыя факты актывіст Руху паведаміў у сваёй заяве на імя пракурора Клецкага раёна У. Каробка.

10 лістапада аб 11 гадзіне актывіст Яўген Мікуліч выпадкова сустрэўся на вуліцы з экспэртам-крыміналістам Клецкага РУУС Сяргеем Касьцюкевічам. Па словах мясцовага актывіста Сяргея Панамарова, супрацоўнік міліцыі у грубай, зьняважлівай форме пагражаў сп. Мікулічу, што жыцьцё яго і ягонай сям’і стане невыносным.

Я. Мікуліч неадкладна напісаў па выніках сустрэчы і размовы з міліцыянтам заяву ў пракуратуру. Ён просіць абараніць яго ад пагроз і незаконных дзеяньняў з боку супрацоўнікаў мясцовай міліцыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international