Справу Пісальніка пакінулі без разгляду

2008 2008-11-10T09:44:25+0200 1970-01-01T03:00:00+0300 be

Суд Кастрычніцкага раёну Гродна пакінуў без разгляду справу аб экстрэмісцкім змесце нумару газэты “Глос з-над Немна ў выгнанні”, ініцыятарам якой выступаў кіраўнік упраўлення КДБ па Гродзенскай вобласці Ігар Сяргеенка.

Скандальная справа супраць газэты “Глос з над Немна ў выгнанні” і яе тагачаснага галоўнага рэдактара Анджэя Пісальніка была прынята да разгляду судом Кастрычніцкага раёна амаль 2 месяцы таму.

Кіраўнік упраўлення КДБ па Гродзенскай вобласці генерал-маёр Ігар Сяргеенка прасіў суд прызнаць нумар газэты, канфіскаваны ў свой час гарадзенскіміі мытнікамі ў Анджэя Пісальніка экстрэмісцкім і вынесці рашэнне аб яго знішчэнні.

Суд прапанову шэфа мясцовага КДБ адхіліў: суддзя Аляксандар Сіцько спаслаўся на адпаведны артыкул грамадзянска-працэсуальнага кодэкса, які дае права пакінуць справу без разгляду.

Бліжэйшым часам Анджэй Пісальнік збіраецца звярнуцца ў суд Кастрычніцкага раёна з прапановай вярнуць яму нумар “Глоса з над Немна ў выгнанні” – журналіст “Жэчыпосполітай” лічыць, што калі справа пакінута без разгляду - нумар выдання не ўтрымлівае экстрэмісцкіх матэрыялаў і як след, не цікавіць судовую установу.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international