Адабраны ў праваабаронца Уладзіміра Целяпуна кампутарны блок не вернуты да гэтага часу

2005 2005-07-06T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як паведамлялася раней, 29 чэрвення ў г. Калінкавічы па падазрэнню ў крадзяжы апаратуры быў затрыманы старшыня Мазырскага гарадскога аддзялення, ліквідаванага ВС РБ, ГА “Праваабарончы цэнтр “Вясна” Уладзімір Целяпун.
Сталі вядомыя больш падрабязныя звесткі пра падзеі таго дня са слоў пацярпелага.
Вечарам 29.06 у 18 гадзін Уладзімір Целяпун дамовіўся забраць у свайго гомельскага сябра Уладзіміра Кацоры сітэмны блок кампутара, які два тыдні таму быў перададзены апошняму для рамонту са сваёй кватэры ў Мазыры. Пасля іх сустрэчы каля 18-20 адбылося затрыманне У. Целяпуна на шляху да аўтобуснага прыпынку. З аўтамабіля “Волга” выйшлі трое: адзін у міліцэйскай форме і двое супрацоўнікаў у цывільным. Міліцыянер прадставіўся – опэрупаўнаважаны ОБЭЗ (ОБЭП) Калінкавічскага РАУС лейтэнант міліцыі Даманчук Андрэй Анатольевіч. Супрацоўнікі ў цывільным адмовіліся назваць сваі прозвішчы і званні, хаця азнаёміліся з пашпартам і задавалі пытанні.
У сувязі з тым, што на той момант на сістэмны блок не было дакументаў, У. Целяпун быў дастаўлены ў памяшканне Калінкавічскага РАУС, дзе былі запісаны нумары і мадэлі камплектыючых сістэмнага блока. У РАУС таксама пад’ехаў У. Кацора па просьбе затрыманага і даў паказанні ў якасьці сведкі.
Тым ня менш сістэмны блок быў падключаны і на падставе таго, што трэба зняць паказанні аб памеры памяці, у прысутнасці панятых інжэнер-праграміст Калінкавічскага РАУС капітан міліцыі Воляк Д.А. адкрываў файлы з інфармацыяй без дазволу. У Целяпун пратэст і адзначыў у пратоколе аб замаху і ўмяшальніцтве ў прыватную асабістую і сямейную інфармацыю.
Быў складзены пратакол вымання сістэмнага блока, пратакол агляду, сам сістэмны блок быў апячатаны і пакінуты ў Калінкавічскім РАУС для праверкі па скрадзеннай апаратуры, дзе і знаходзіцца да гэтага часу.
На адрас начальніка Калінкавічскага РАУС і пракурора Целяпуном Уладзімірам рыхтуецца заява аб незаконнасці арышту маёмасці.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international