Мінск адмовіў журналістам у перадачы тэлеінтерв’ю з Мілінкевічам

2008 2008-09-30T12:00:21+0300 1970-01-01T03:00:00+0300 be

Тэлерадыёкампанія “Мір” адмовіліся забяспечваць перадачу відэасігналу для ўкраінскага “5-га канала” і польскага канала “TVN24”. Замежныя журналісты планавалі інтэрв’ю ў прамым эфіры з лідэрам Руху “За Свабоду” Аляксандрам Мілінкевічам.

 

Лідэру Руху “За Свабоду” не дазволілі прайсці ў будынак тэлерадыёкампаніі. Замежным журналістам адмовілі ў паслугах адзінага ў Мінску цэнтра перадачы відэаінфармацыі, нягледзячы на папярэднія дамоўленасці і аплату перадачы відэасігналу. Лідэр Руху “За Свабоду” мусіў адказваць на пытанні журналістаў па тэлефоне.

 

Аляксандр Мілінкевіч у інтэрв’ю замежным тэлеканалам даў сваю ацэнку выбарам у Палату прадстаўнікоў, якія адбыліся 28-га верасня. Лідэр Руху “За Свабоду” лічыць, што выбары не былі дэмакратычнымі галоўным чынам таму, што не адбылося сумленнага падліку галасоў. 

 

На думку лідэра Руху “За Свабоду”, неабходна працягваць шукаць магчымасці для развіцця дыялогу паміж Беларуссю і Еўразвязам, не адыходзячы ад маральных прынцыпаў. Гэта неабходна перш за ўсё беларускаму народу, які хоча жыць у вольнай краіне. 

 

У інтэрв’ю Аляксандр Мілінкевіч адзначыў, што дапамога Еўразвяза ў рэфармаванні эканомікі надзвычай важная дзеля захавання незалежнасці Беларусі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international