Гародня: Камісія папярэдзіла, што Яраслава Раманчука могуць зняць у любую хвіліну

28.09.2008. Тэгі: Гародня, выбары-2008.

Сёння у Гарадзенскую паўночную акругу № 51 быў выкліканы Юры Істомін, давераная асоба кандыдата ў дэпутаты па гэтай акрузе Яраслава Раманчука. Старшыня камісіі Дземчанка ў вуснай форме давёў да даверанай асобы інфармацыю, што на тэлефоннай лініі працуе нейкая сістэма, якая тэлефануе выбаршчыкам і запісаным на стужку голасам прапаноўвае прагаласаваць за кандыдата ад апазіцыі. Дземчанка, зноў жа ў вуснай форме, папярэдзіў, што калі гэты механізм не будзе спынены, то Раманчука могуць зняць з выбараў за парушэнне правілаў галасавання ў дзень выбараў. І зняцце можа адбыцца ў кожную хвіліну. Сам Юры Істомін расцэньвае гэты факт як правакацыю. Бо тэлефонная служба Белцелеком можа вызначыць, адкуль, калі гэта праўда, ідуць такія званкі. А аніводзін кандыдат ад апазіцыі, у тым ліку і Раманчук, не маюць тэхнічных мажлівасцяў на такую тэлефонную аперацыю праз сетку Белцелекома.

“Праваабаронцы за свабодныя выбары”