Перадача пратаколаў у акруговыя камісіі рыхтуецца быць закрытай

2008 2008-09-28T14:18:48+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Брэст

Сябру акруговай камісіі Брэсцкай-Цэнтральнай акругі №2 Рыгору Бакіевічу старшыня камісіі заявіў аб тым, што не дазволіць прысутнічаць пры паступленні пратаколаў аб ывніках галасавання з участкаў.

Магілёў

Магілёўскі назіральнік Аляксандр Каралёў паведаміў акруговай выбарчай камісіі №85, што прысутнічаць яму падчас перадачы пратаколаў ад участковых выбарчых камісій у акруговую выбарчаю камісію яму можа перашкодзіць толькі нарад міліцыі.

Дагэтуль назіральнікі спрабавалі афіцыйна патрапіць на працэс перадачы пратаколаў з вынікамі галасавання ад участковых выбарчых камісій у акруговую выбарчую камісію і напісалі афіцыйную заяву, але ў акруговай камісіі ім патлумачылі, што гэты працэс не з’яўляецца паседжаннем, а тэхнічная праца, і назіральнікам на ёй прысутнічаць нельга.

Потым рашэнне камісіі змянілася, і яны паведамілі, што месца, дзе будзе адбывацца перадача гэтых пратаколаў ад участковых выбарчых камісій – гэта невялікае памяшканне, і яно не можа ўмясціць усіх назіральнікаў, а туды, нібыта, сябры акруговай выбарчай камісіі запрасілі шэраг міжнародных назіральнікаў, а для мясцовых назіральнікаў проста не хопіць месца.

“Што значыць не хопіць? – абураецца Аляксандр Каралёў, - адным можна, другім не. Я паведаміў сябрам акруговай выбарчай камісіі, што мяне не пусціць на гэты працэс можа толькі нарад міліцыі, на што яны сказалі, што будуць думаць, як вырашыць склаўшуюся сітуацыю”.

Магілёў:

Праваабаронцу Барысу Бухелю адмовілі прысутнічаць падчас працэса перадачы ўчастковымі выбарчымі камісіямі пратаколаў з вынікамі галасавання ў акруговаю выбарчаю камісію №86.

“Мне прыйшоў ліст з адказам, дзе мне не дазваляюць прысутнічаць падчас гэтага працэса, - гаворыць праваабаронца, а на пытанне ці запрасілі члены акруговай выбарчай камісіі на гэты працэс міжнародных назіральнікаў яны не далі мне ніякага адказу”.

Барыс Бухель будзе спрабаваць патрапіць на гэты працэс і не баіцца супрацоўнікаў міліцыі, якія могуць не дапусціць яго ў памяшканне.

“Мне сказалі, - працягвае Барыс Бухель, - што калі я паспрабую пранікнуць у памяшканне, дзе будзе адбывацца перадача пратаколаў участковымі выбарчымі камісіямі ў акруговаю, то мне аформяць прывад супрацоўнікі міліцыі. Я гэтага не баюся!”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international