Суд абавязаў "Народную волю" выплаціць па 2 мільёны рублёў пазоўнікам з Салігорску. Сёньня ж супраць газэты судзяцца жыхары Клецку

2005 2005-06-09T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Па звестках Радыё Свабода, судзьдзя суду Ленінскага раёну Менску Вера Тупік прыняла рашэньне прызнаць несапраўднымі і зьневажальнымі зьвесткі, надрукаваныя ў газэце "Народная воля" – подпісы грамадзянаў пад зваротам аб стварэньні руху "Воля народу " Сяргей Катовіча , Ніны Грэчыц і Ніны Фраловай. І прысудзіла выплаціць кожнаму зь іх па 2 мільёны рублёў кампэнсацыі. Пазоў Паўла Жышкевіча судзьдзя адхіліла. У сваіх пазовах прадстаўнікі прадпрыемства "Беларуськалій" патрабавалі па 50 мільёнаў рублёў кампэнсацыі.

Сёньня ў судзе Ленінскага раёну разглядаюцца аналягічныя пазовы ад 4-х жыхароў Клецку – Пятра Талайкі, галоўнага лекара мэдычнага аддзяленьня Клецку, дырэктаркі вясковай школы Ліліі Лібер, брыгадзіра Гудзько Івана і шматдзетнай маці Ірыны Закруты. Кожны зь іх патрабуе па 5 мільёнаў рублёў матэрыяльнай кампэнсацыі і прызнаньня зьневажальнымі зьвесткі, надрукаваныя ў "Народнай волі" – таксама подпісы пад стварэньнем руху "Воля народу".

Галоўны рэдактар газэты Іосіф Сярэдзіч прапанаваў пазоўнікам, каб яны адмовіліся ад матэрыяльных прэтэнзіяў, а газэта надрукуе абвяржэньне, але жыхары Клецку, я к і раней жыхары Салігорску, – адмовіліся.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international