Міліцыянты канфіскавалі ў актывіста налепкі і грошы

2005 2005-06-09T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як паведаміла Радыё Свабода, 8 чэрвеня каля 17-й гадзіны ў Сьветлагорску быў затрыманы актывіст Гомельскага маладзёвага цэнтра “Гарт” Сяргей Сямёнаў.

Патрульныя міліцыянты затрымалі яго разам з кіроўцам легкавіка, заявіўшы, што паступіў ананімны званок пра магчымае набыцьцё імі наркотыкаў.

Аднак у пастарунку пасьля дагляду намесьнік начальніка райадзелу міліцыі, маёр Зыкун склаў пратакол пра распаўсюд ад імя незарэгістраванай арганізацыі альбо партыі друкаванай прадукцыі, бо ў сумцы спадара Сяменава былі налепкі “Трэці шлях”.

Міліцыянты сканфіскавалі таксама ў актывіста 100 даляраў ЗША і 100 эўра.

Дзеяньні міліцыянтаў Сяргей Сямёнаў зьбіраецца абскардзіць у пракуратуру і суд.

Апошнія навіны

Партнёрства

Сяброўства