Гародня: Моладзь гоняць на датэрміновае галасаванне

26.09.2008. Тэгі: Гародня, выбары-2008.

Сёння давераная асоба Сяргея Антусевіча Сяргей Мальчык у Педагагічным Коледжы Гародні сутыкнуўся з групай актывістаў БРСМ, якія вылоўлівалі студэнтаў і цягнулі іх на выбарчыя ўчасткі, каб тыя прагаласавалі датэрмінова.

Як расказалі самыя студэнты, ім дазволілі галасаваць не па месцы прапіскі а па месцы вучобы ў Гародні, такім чынам, штучна падымаючы наведвальнасць участкаў, дзе ёсць назіральнікі.

Падобная сітуацыя была ўчора на выбарчым участку № 30, размешчаным у Інстытуце Павышэння Кваліфікацыі. Там з студэнтаў, якія паведамілі, што іх выгналі галасаваць вусным загадам адміністрацыі, выстраілі цэлую чаргу. Студэнтам прапаноўваюць прагаласаваць датэрмінова і ў Гродзенскім Дзяржаўным Універсітэце імя Янкі Купалы і ў Аграрным Універсітэце Гародні.

“Правабаронцы за свабодныя выбары”