Былой жонцы і сынам Міхаіла Марыніча суд пакінуў толькі прас, трэнажор і тэлевізар

2005 2005-06-07T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд вырашыў лёс маёмасьці Міхаіла Марыніча, паведамляе Радыё Свабода. Прас, велатрэнажор і тэлевізар - толькі гэтыя рэчы пакінула судзьдзя Натальля Вайцаховіч былой жонцы і сынам Міхаіал Марыніча з ўсёй маёмасьці ў кватэры, дзе раней жыў асуджаны палітык.

Працэс па скарзе сваякоў Міхаіла Марыніча на рашэньне Менскага раённага суду аб канфіскацыі маёмасьці завяршыўся 7 чэрвеня ў Цэнтральным судзе Менску.

Сваякі прасілі судзьдзю скасаваць былое рашэньне аб канфіскацыі на той падставе, што Міхаіл Марыніч стварыў новую сям'ю і забраў сваю маёмасьць. На працэсе былі апытаныя сьведкі, якія давалі паказаньні адносна прыналежнасьці розных рэчаў з кватэры сваякам Міхаіла Марыніча, аднак толькі ў трох выпадках суд вырашыў спрэчку на карысьць сваякоў палітыка. Уся астатняя маёмасьць будзе канфіскаваная.

Сыны Міхаіла Марыніча ўжо заявілі, што ня згодныя з гэтым рашэньнем і зьбіраюцца яго абскардзіць.

Нагадаем, былы міністар і амбасадар Міхаіл Марыніч быў асуджаны летась на тры з паловай гады зьняволеньня за крадзёж . Арганізацыя “Міжнародная амністыя” прызнала Марыніча вязьнем сумленьня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international