Мазыр: На стэнды для агітацыі кандыдатаў няма сродкаў

Назіральнікам Наздрой П.І. на паседжанні Мазырскай акруговай выбарчай камісіі было паднята пытанне, чаму не ўсталяваны месцы для размяшчэння агітацыйных матэрыалаў згодна Рашэння Мазырскага райвыканкама №924 ад 12.08.2008 г. старшыня каміссіі Пашынскі М.М. (ён жа Кіраўнік справамі райвыканкама) адказаў, што на ўсталяванне вулічных стэндаў  намя грошай  і што агітацыйныя матэрыялы будуць размешчаны непасрэдна на выбарчых участках.

Мабыць з гэтай нагоды кандыдат у дэпутаты Я. А. Арцюшэнка, намеснік генеральнага дырэктара па эканоміцы і фінансам Мазырскага НПЗ і яго давераная асоба намеснік генеральнага дырэктара МНПЗ А. Віхор дамаўляюцца са сваімі калегамі-дырэктарамі другіх прадпрыемстваў, школаў і прыходзяць для правядзення агітацыі на планёркі, дзе выступаюць перад начальнікамі цахоў, аддзелаў, настаўнікамі і запрашаюць сваіх падначаленых, бацькоў вучняў галасаваць за Я.А. Арцюшэнка. Канешне, лепш працаваць з «лідэрамі ўплыву, чым даваць заведамі невыконваемыя абяцанні непасрэдна выбаршчыкам.

“Праваабаронцы за свабодныя выбары”