Брэст: Чорна-белы выбарчы канфлікт

2008 2008-09-18T09:06:54+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кандыдат ў дэпутаты па Брэсцкай-Цэнтральнай выбарчай акрузе № 2 Зміцер Шыманскі патрабуе перадрукаваць вырабленыя акруговай какмісіяй агульныя плакаты кандыдатаў. Справа ў тым, што на плакатах ягоны партрэт -- чорна-белы, а ў ягонага канкурэнта Ларысы Багдановіч -- каляровы. Адпаведную скаргу Зміцер Шыманскі накіраваў у акруговую камісію, копію — у Цэнтрвыбаркам, а таксама праінфармаваў міссію АБСЕ па назіранні за выбарамі.

У скарзе кандыдат у дэпутаты заявіў, што факт выдання агульнага плаката падобным чынам з'яўляецца парушэннем артыкула 6 Выбарчага кодэкса, якім прадугледжаныя роўныя правы кандыдатаў. Зміцер Шыманскі паведаміў, што сябры акруговай камісіі неаднаразова казалі яму, што плакат будзе чорна-белым, таму ён і перадаў чорна-белы фотаздымак. Усяго надрукавана 39 плакатаў — па колькасці выбарчых участкаў у акрузе.

"Каляровы здымак будзе уплываць на выбаршчыкаў больш станоўча, чым чорна-белы, -- лічыць Шыманскі. -- Не выключана, што гэта магло быць зроблена спецыяльна".

 

У сваёй скарзе кандыдат таксама звяртае ўвагу на рэдагаванне тэкста ягонай біяграфіі, якое, на яго думку, была зроблена некарэктна.

"Праваабаронцы за свабодныя выбары"



Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international