Магілёў: вынесена папярэджанне дэмакратычнаму кандыдату ў дэпутаты Алесю Сілкову

2008 2008-09-17T12:53:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Учора акруговая выбарчая камісія па Магілёўскай-Цэнтральнай акрузе №85 вынесла папярэджванне кандыдату ў дэпутаты Алесю Сілкову. Нагодай для такога рашэння стала, нібыта, вывешванне агітацыйнага матэрыяла не ў вызначаным месцы.

 

“Сябры выбарчай камісіі, нібыта, знайшлі на вуліцы Ленінскай каля крамы мой плакат, які быў прыбіты цвікамі ў недазволеным для агітацыі месцы, - кажа Алесь Сілкоў, - Акрамя гэтага на гэтым плакаце не было выходных дадзеных”.

“У камісіі, - працягвае Алесь, - мне паказалі фотаздымак у якім месцы вывешаны мой плакат, на што я дастаў свой фотаапарат і паказаў наклеены на мой плакат плакат прадзяржаўнага кандыдата спадара Юшкевіча. Камісія на гэта ніяк не адрэагавала”.

Рашэнне выбарчай камісіі спадар Сілкоў аспрэчваць пакуль не збіраецца, спасылаючыся на недахоп часу і актыўны ход выбарчай кампаніі.

“Зараз я жартую, - адзначае кандыдат у дэпутаты, - што ўсе сябры ініцыятыўнай групы Алеся Сілкова ходзяць з малаткамі і цвікамі і гэта ў ХХІ стагоддзі!”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international