Віцебск: Кандыдату Левінаву прапанавалі паўтарыць яго выступ

2008 2008-09-10T10:51:42+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

9 верасня акруговая камісія Віцебскай-Чыгуначнай выбарчай акругі №19 на паседжанні разглядала скаргу кандыдата ў дэпутаты Андрэя Левінава на збоі з гукам падчас яго тэлевыступу. Нагадаем, што тая частка выступу, у якой кандыдат заклікаў выбаршчыкаў прыйсці на ўчастак 28 верасня і ні ў якім разе не галасаваць датэрмінова, прайшла ў тэлеэфіры бязгучна. А навыкамі чытання па вуснах абсалютная большасць выбаршчыкаў не валодае.

 

Старшыня камісіі Іван Рыцько (вылучаны ў склад выбарчай камісіі прапрэзідэнцкай "Белай Руссю") абвясціў, што теле-радыёкампанія і Міністэрства сувязі праводзяць унутраведамасную праверку па ўстанаўлені прычын збою. Тым не менш, дадзеныя структуры вусна выявілі гатоўнасць прадубляваць выступ 12 верасня.

Кандыдат Левінаў з гэтай датай не пагадзіўся па прычыне парушэння прынцыпу роўных магчымасцяў. Астатнія кандыдаты мелі пяць сутак для апавяшчэння выбаршчыкаў аб трансляцыі выступу, а яму на гэта даецца толькі двое.

Канчатковае рашэнне пра час паўторнай трансляцыі тэлевыступу на гэтым паседжанні камісіяй не прынята.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international