Аляксандр Лагвінец кандыдатам не будзе

2008 2008-09-09T15:32:31+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння, 9 верасня, Вярхоўны суд прыняў адмоўнае рашэнне па скарзе Аляксандра Лагвінца аб адмове ў рэгістрацыі ў якасці кандыдата ў дэпутаты па Сухараўскай выбарчай акрузе № 102.

Нагадаем, што ў адпаведнасці з рашэннямі акруговай і Цэнтральнай камісій, А. Лагвінцу было адмоўлена ў рэгістрацыі на падставе ўказання недакладных звестак у дэкларацыі аб прыбытках і маёмасці: ён не ўказаў суму ў памеры 251 еўра 72 цэнтаў.

Справу разглядаў суддзя Самалюк пры ўдзеле пракурора Федарынчык.

А. Лагвінец заявіў, што ён прадставіў дакладную інфармацыю аб сукупным гадавым прыбытку за 2007 г. у суме 8 390 576 рублёў, у якую ўвайшла ў тым ліку і спрэчная сума. Ён таксама прызнаў, што не ўказаў гэтую лічбу ў адпаведным раздзеле дэкларацыі па чыста тэхнічных прычынах і, адпаведна, не меў намеру ўводзіць у зман камісію і тым больш сваіх выбаршчыкаў. Па ягоных словах, Цэнтральная камісія прыняла рашэнне пад уплывам эмоцый пасля яго выступу падчас разгляду скаргі.

“Праваабаронцы за свабодныя выбары”

Апошнія навіны

Партнёрства

Сяброўства