Каля 150 прадпрымальнікаў удзельнічаюць у форуме грамадскага аб'яднання "Перспектыва" ў Мінску

2008 2008-09-09T09:13:33+0300 1970-01-01T03:00:00+0300 be

8 верасня ў Мінску праходзіць форум прадпрымальнікаў, арганізаваны рэспубліканскім грамадскім аб'яднаннем "Перспектыва". У мерапрыемстве бяруць удзел каля 150 індывідуальных прадпрымальнікаў (ІП) з Мінска і ўсіх абласцей краіны.

Як заявіў журналістам старшыня савета "Перспектывы" Анатоль Шумчанка, галоўная задача форуму — кансалідаваць прадпрымальнікаў Беларусі пасля акцый пратэсту, што адбыліся ў гэтым годзе.

- Мы павінны даць цывілізаваны сігнал уладам аб існаванні праблем. Пры гэтым мы маем намер і далей пратэставаць у рамках дзейнага заканадаўства, — патлумачыў А.Шумчанка.

Паводле яго слоў, на форуме будзе праведзены аналіз цяперашняга стану прадпрымальніцкага руху ў краіне, прэзентацыя і прыняцце распрацаванай РГА "Перспектыва" праграмы развіцця індывідуальнага прадпрымальніцтва "За прадпрымальніцкую Беларусь!". У гэтым дакуменце "Перспектыва" выкладзе сваё бачанне месца ІП у эканоміцы краіны, характар узаемаадносін ІП і дзяржавы; прадставіць сацыяльныя, эканамічныя, інстытуцыйныя аспекты дзейнасці ІП; унясе свае прапановы для разгляду ўсімі вышэйшымі органамі дзяржаўнай улады і кіравання.

Праграма будзе прадстаўлена палітычным рухам, партыям і грамадскім арганізацыям, а таксама кандыдатам у дэпутаты незалежна ад іх палітычнай арыентацыі. А.Шумчанка звярнуў увагу, што форум праходзіць адначасова з важнай палітычнай кампаніяй — выбарамі ў парламент. "Мы прапануем усім удзельнікам палітычнага працэсу падтрымаць нашу праграму. Мы таксама будзем лічыць усіх тых, хто падтрымае гэтую праграму, прыхільнікамі беларускага прадпрымальніцтва і сябрамі малога бізнесу", — дадаў лідэр РГА "Перспектыва".

Рэалізацыя закладзеных у праграме прынцыпаў і мер, працягнуў А.Шумчанка, дазволіць не толькі стварыць дзесяткі тысяч новых працоўных месцаў у краіне і павялічыць падатковыя паступленні ў бюджэт, але таксама "нанесці мацнейшы ўдар па карупцыі і нядбайных чыноўніках".

Паводле слоў лідэра РГА "Перспектыва", фактычна праграма — гэта пасыл уладам Беларусі ад малога бізнесу з яго бачаннем далейшага развіцця сярэдняга класа і магчымасці існавання як такога. У краіне, дадаў А.Шумчанка, з'явіўся цэлы клас людзей, якія займаюцца справай, а многія апошнія дзеянні чыноўнікаў скіраваныя на ліквідацыю гэтага сектара эканомікі. "Мы не варвары і хочам толькі дабра сваёй краіне. Але калі нас пачынаюць "заціскаць", мы, зразумела, маўчаць не будзем, бо гэта наша жыццё", — падкрэсліў А.Шумчанка, паведамляе БелаПАН.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international