У «Гомельскай праўды» свая праўда пра выбары

2008 2008-09-05T08:42:32+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гомельская рэгіянальная газета "ГП" старанна імкнецца запэўніць чытача ў тым, што выбары праходзяць сумленна. Пераследуючы гэтую мэту, журналісты грэбуюць дакладнасцю і праўдзівасцю інфармацыі і нават публікуюць звесткі з "прыватных гутарак".

Так, 2 верасня ў адмысловай рубрыцы "выбары" знаходзім нататку "Прэтэнзій не паступіла". Тут журналіст Валянціна Сыс перадае ўражанне каардынатара місіі назіральнікаў ад СНД па Гомельскай вобласці Івана Калтабай - усё праходзіць у адпаведнасці з заканадаўствам РБ. Але меркаванняў толькі назіральнікаў ад СНД замала. І "ГП" друкуе каментар нібыта назіральнікаў місіі АБСЕ: "аналагічнага пункту погляду прытрымваліся ў прыватнай гутарцы <…> і назіральнікі АБСЕ - прадстаўнікі Расійскай Федэрацыі, Нідэрландаў, Аўстрыі. Яны пацвердзілі, што істотных парушэнняў у працы акруговых камісій імі зафіксавана не было".

Пра сваю пазіцыі адносна выбараў назіральнікі місіі АБСЕ неаднаразова і даволі цвёрда заяўлялі гомельскай прэсе - ніякіх каментароў. Можа, таму станоўчая адзнака выбарчага працэсу ў "ГП" належыць безымяным еўрапейскім назіральнікам?

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international