Бабруйск: Кандыдату АГП не дазволілі выступіць перад выбаршчыкамі

2008 2008-09-04T17:08:21+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кандыдату АГП Уладзіміру Сямашку не дазволілі выступіць на сустрэчы, якая праводзілася ў Бабруйску з кандыдатам ад улады - намеснікам галоўнага доктара гарадской бальніцы №1 Аленай Шамаль.

Уладзімір Сямашка паведаміў, што сустрэча была арганізавана 1 верасня адміністрацыяй Першамайскага аддзялення "Белпромстройбанка" у 16:00 у актавай зале гэтай установы. "Я таксама прыйшоў са сваёй даверанай асобай, - распавёў ён. - Думаў, што распавяду пра сваю перадвыбарчую праграму. Але скончылася афіцыйная частка сустрэчы, і людзям сказалі, што яны могуць быць свабодныя. Я папрасіў слова, а намеснік кіраўніка банка Андрэй Міронаў сказаў: "У нас працоўны час, нам трэба працаваць"".

На завяршэнне сустрэчы намеснік кіраўніка банка ўручыў кандыдатцы букет руж. Ён сказаў, што ў Алены Шамаль ёсць усе шанцы для перамогі, і, будучы абранай у парламент, яна акажа бобруйчанам неацэнную дапамогу.

"Па-першае, сустрэча праводзілася ў працоўны час, - адзначыў эксперт па выбарчым заканадаўстве Сяргей Альфер. - Па-другое, не забяспечаныя роўныя правы кандыдатаў на правядзенне сустрэч з выбаршчыкамі. І тое, і другое з'яўляецца сур'ёзным парушэннем заканадаўства. Таму ў пракуратуру неабходна напісаць заяву аб прыцягненні да адказнасці таго, хто забараніў выступаць іншаму кандыдату".

Уладзімір Сямашка і Алена Шамаль балатуюцца па Бабруйскай-Ленінскай выбарчай акрузе № 78.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international