Слонім: Іван Шэга патрабуе выканання закона

2008 2008-09-04T16:12:51+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кандыдат у дэпутаты па Слонімскай выбарчай акрузе №58, сябра Партыі БНФ Іван Шэга накіраваў у акруговую камісію, а таксама ў ЦВК заяву, у якой настойліва звяртае ўвагу на той факт, што ў Слоніме рашэннем раённага выканаўчага камітэту ўсе ўчастковыя камісіі сфармаваныя па вытворчым прынцыпе: кіраўнікі прадпрыемства плюс іх падначаленыя. У той жа час ніхто з дэмакратычных вылучэнцаў у камісіі не патрапіў.

Іван Шэга пакрэслівае, што ўсе старшыні камісій фактычна падпарадкаваны старшыні райвыканкаму – Мечыславу Касцюку – які з’яўляецца адным з кандыдатаў у дэпутаты. Такім чынам, па меркаванні І. Шэга, падрыхтаваныя магчымасці для фальшавання падліку галасоў на ягоную карысць.

Кандыдат прапануе строга папярэдзіць старшыняў і сакратароў участковых камісій пра недапушчальнасць фальсіфікацый пры падліку галасоў, а таксама патрабуе пісьмовых гарантыяў для паўнацэннай працы назіральнікаў на ўчастках пад час галасавання і падліку галасоў.

У выпадку ігнаравання законных патрабаванняў, Іван Шэга пакідае за сабой права на вядзенне агітацыйнай кампаніі за байкот выбараў.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international