У сталіцы АМОН не дазволіў правесьці акцыю памяці Юрыя Захаранкі, а ў Капылі акцыя была забароненая

2005 2005-05-06T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Менску на Кастрычніцкай плошчы была спроба правесьці акцыю "Ланцуг неабыякавых людзей", прысьвечанаю 6-й гадавіне зьнікненьня былога міністра ўнутраных справаў Юрыя Захаранкі. І працягвалася пару хвілінаў. Адразу са двароў выйшлі спэцпадразьдзяленьні байцоў АМОНу і выціснулі ўдзельнікаў акцыі

Апазыцыянэры трымалі партрэты Юрыя Захаранкі, апранутага ў генэральскую парадную форму, спадзяючыся, што міліцыянты з разуменьнем паставяцца да акцыі і выкажуць нейкую даніну павагі былому міністру ўнутраных справаў.

6 траўня ў Капылі павінна было адбыцца пікетаваньне. Правесьці яго зьбіраўся мясцовы актывіст дэмакратычнага руху Віктар Дашкевіч. Падставай для пратэсту стала затрымка з афармленьнем спадару Дашкевічу пэнсіі па інваліднасьці: “Я даў заяўку на пікет, што буду паводзіць сябе прыстойна і нікому не перашкаджаць. Адказ я атрымаў, дзе яны паведамілі, што я ня маю падставы для выяўленьня свайго пратэсту ў выглядзе пікетаваньня. Падпісала адказ старшыня райвыканкаму, а намесьніца адказала па тэлефоне, што ў нас такое месца нават не адведзена. Таму што ў нас усе людзі пакорныя, сьмірныя, паважаюць чыноўнікаў. Мы не маглі думаць, што ты адзін такі знойдзесься”. Намесьніца старшыні Капыльскага райвыканкаму Іна Былюк лічыць адмову у дазволе на пікетаваньне абгрунтаванай: “Райвыканкам яму ня дазволіў са спасылкай на нормы дзеючага заканадаўства. Яму дадзены вычарпальны адказ. На плошчы ён перашкаджае дарожнаму руху. Ён ня мае права гэтага рабіць”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international