Маладзечна: У складзе ўчастковых камісій – толькі сябры праўладных грамадскіх аб’яднанняў

2008 2008-08-18T19:50:38+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У склад участковых камісій у Маладзечанскай гарадской выбарчай акрузе № 70 і сельскай №71 паводле рашэнняў Маладзечанскага і Валожынскага райвыканкамаў уключаны прадстаўнікі толькі ад праўладных грамадскіх аб'яднанняў і палітычных партый, агулам 72 чалавека. Гэта такія арганізацыі, як Партыя КПБ, ГА «Беларускі саюз жанчын», арганізацыі ветэранаў, ГА «БРСМ», ГА "Белая Русь". 

Да таго ж маюцца вялікія сумневы наконт таго, ці існуюць увогуле заявы выбаршчыкаў аб вылучэнні прадстаўніка ў склад участковай камісіі і пратаколы сходаў працоўных калектываў тых асобаў, якія патрапілі ў склад камісій. Асноўны склад (большасць сяброў) участковых камісій практычна не змяняюцца на працягу больш чым 10-ці год. 

Рэгіянальныя назіральнікі паведамляюць, што райвыканкамамі не быў арганізаваны прыём заяваў ад выбаршчыкаў аб вылучэнні прадстаўніка ў склад участковай камісіі. Выбаршчыкі не маглі знайсці ў райвыканкаме адказнага за прыём заяваў, не было журнала прыёма заяваў. 

Таксама заўважана парушэнне арт. 34 ВК - склад участковых камісій у Валожынскім раёне не быў апублікаваны ў 7-дзённы тэрмін, які сканчаецца 18 жніўня. У пятніцу, 15 жніўня, мясцовая газета "Працоўная слава" апублікавала спіс большасці камісій - апроч двух. Напрыканцы спіса напісана "Заканчэнне чытайце ў наступным нумары". Але наступны нумар выходзіць толькі 19 жніўня. 

“Правабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international