Барыса Хамайду аштрафавалі на 200 тысяч рублёў

2008 2008-08-13T23:18:00+0300 1970-01-01T03:00:00+0300 be

Віцебскі актывіст апазіцыі Барыс Хамайда аштрафаваны на 200 тысяч рублёў. Такое рашэнне прыняла 13 жніўня адміністрацыйная камісія Чыгуначнага раёна Віцебска.

Камісія разгледзела міліцэйскі пратакол у адносінах да Хамайды. Як зазначана ў пратаколе, 10 ліпеня ў цэнтры Віцебска супрацоўнік міліцыі ў цывільным купіў у Хамайды газету "Народная воля", а затым паказаў міліцэйскае пасведчанне і адвёз у Чыгуначны РАУС, дзе на Хамайду склалі пратакол аб парушэнні правілаў гандлю.

Б.Хамайда з 1996 года распаўсюджвае незалежныя выданні ў адным і тым жа месцы — у цэнтры горада, насупраць дома № 28 па вуліцы Леніна. За гэта ён неаднойчы прыцягваўся да адказнасці.

Як паведаміў БелаПАН Б.Хамайда, ён патрабаваў весці судовы працэс па-беларуску, і на працэс была запрошана перакладчыца — настаўніца беларускай мовы і літаратуры віцебскай сярэдняй школы № 21. "Перакладала яны выдатна, за што ў канцы працэсу я выказаў ёй падзяку і падарыў кніжку "Народны тэлевізар" Уладзіміра Падгола, у якой сабраны цытаты паводле Аляксандра Лукашэнкі", — расказаў Хамайда.

Ён заявіў, што не збіраецца спыняць дзейнасць па распаўсюджванні незалежнай прэсы. Хамайда таксама не мае намеру аспрэчваць рашэнне адміністрацыйнай камісіі. "Я лічу, што з 1996 года дзеянне Канстытуцыі ў Беларусі прыпынена. Адпаведна, у Беларусі няма незалежнай судовай сістэмы, і таму штосьці абскарджваць не мае сэнсу", — лічыць актывіст апазіцыі, паведамляе БелаПАН.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international