30 крамаў Мінска адмовіліся прадаваць незалежныя выданні

2005 2005-04-26T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

За апошні год 30 мінскіх крамаў адмовіліся браць на рэалізацыю недзяржаўныя выданні, сярод якіх "Белорусская деловая газета", "Белорусская газета", "Салiдарнасць", - пра гэта прыканцы красавіка паведаміла "Белорусская деловая газета". Як высвеліла выданне, прычынай сталі дзеянні намеснікаў кіраўнікоў адміністрацый раёнаў па ідэалогіі. Яны спасылаюцца на рашэнне Мінскага гарвыканкама №2520 ад 9 снежня 2004 года, падпісанае першым намеснікам старшыні Мінгарвыканкаму Леанідам Анфімавым. Паводле дакумента, усім арганізацыям, што ажыццяўляюць раздробны продаж перыядычных выданяў (за выключэннем УП “Мінгарсаюздрук” і РУП “Белпошта”) прадпісана да 1 сакавіка гэтага года прадставіць асартыментны пералік тавараў, якія павінныя быць у продажы. Гэты пералік Мінгарвыканкам загадаў узгадняць з аддзеламі ідэалагічнай працы адміністрацый раёнаў г.Мінска.

Прымаючы рашэнне, Мінгарвыканкам спаслаўся на пастанову Савета Міністраў №384 ад 7 красавіка 2004 г. “Аб зацвярджэнні Правілаў ажыццяўлення раздробнага гандлю асобнымі відамі тавараў і грамадскага харчавання”. Аднак, як вынікае з афіцыйнага адказу Міністэрства гандлю, дадзенага на запыт ГА “Беларуская асацыяцыя журналістаў”, гандлёвыя арганізацыі і індывідуальныя прадпрымальнікі маюць права самастойна вызначаць асартымент тавараў для раздробнага гандлю (у тым ліку і друкаваных выданняў). Узгадняцца з мясцовымі выканаўчымі і распарадчымі органамі павінен толькі "асартыментны пералік" (так званы асартыментны мінімум) тавараў, што павінны быць у продажы пастаянна.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international