Самую маладую прэтэндэнтку на дэпутацтва выклікаюць з бацькамі

2008 2008-08-07T13:37:15+0300 1970-01-01T03:00:00+0300 be

У камітэт фінансавых расьсьледаваньняў па Магілёўскай вобласьці выклікалі самую маладую прэтэндэнтку на дэпутацтва ў Палаце прадстаўнікоў Тацяну Шамбалаву.

Ёй дваццаць адзін год, яна скончыла тры курсы гістарычнага факультэту Магілёўскага дзяржаўнага ўнівэрсытэту імя Куляшова.

Паводле Тацяны Шамбалавай, у камітэт яе выклікаюць як сьведку да інспэктара Іваніцкага. У камітэт сьведкамі выкліканыя таксама ейныя бацька й маці.

Тацяна Шамбалава — рэгіянальная каардынатарка арганізацыйнага камітэту дзеля стварэньня партыі Беларуская Хрысьціянская Дэмакратыя. Яна зьбіраецца змагацца за дэпутацтва па Магілёўскай-Кастрычніцкай акрузе. У сваю падтрымку сабрала ўжо каля чатырохсот подпісаў.

На Магілёўшчыне ў камітэце фінансавых расьсьледаваньняў ужо пабывалі больш за два дзясяткі апазыцыйных прэтэндэнтаў на дэпутацтва. Ад пазаўчора ў камітэт пачалі выклікаць і родных прэтэндэнтаў — бацькоў, братоў, сясьцёр ды жонак. Усіх іх у камітэце абавязваюць падаць дэклярацыю аб даходах і маёмасьці. Учора, да прыкладу, дэклярацыю запатрабавалі ў 89-гадовай маці старшыні рэгіянальнай арганізацыі Аб’яднанай грамадзянскай партыі Ўладзімера Шанцава.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international