Падаткавікі пачынаюць комплексную праверку дзейнасці БХК

2008 2008-08-06T17:12:19+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

5 жніўня ў другой палове дня ў офіс “Беларускага Хельсінкскага камітэту” прыйшлі два супрацоўнікі інспекцыі Маскоўскага раёну Менску па падатках і зборах -- В.Г. Дзяшковіч і Д.В. Саракапыт. Мэтай свайго візіту яны назвалі правядзенне па-запланавай комплекснай праверкі бухгалтарскай дакументацыі, а таксама руху фінансавых сродкаў БХК. Падаткавікоў цікавіла: адкуль ў арганізацыі бяруцца сродкі на арэндную плату і камунальныя выдаткі, якія аплочваюцца праваабаронцамі.

 

Пры гэтым правяраючыя адзначылі, што ініцыятыва правядзення праверкі належыць не самой раённай падаткавай інспекцыі, а такое распараджэнне да іх паступіла “зверху”.

Паколькі падчас наведвання падаткавікамі ў офісе адсутнічала кіраўніцтва “Беларускага Хельсінкскага камітэту”, праверка не была распачатая. Па выніках візіту быў складзены “Акт абследвання (агляду) рухомай і нерухомай маёмасці, памяшканняў і тэрыторый, дзе могуць знаходзіцца аб’екты, якія падлягаюць падаткаабкладанню ці выкарыстоўваюцца для прыдбання даходу (прыбытку)”. Інспектары перад сыходам паведамілі, што праверка пачнецца, калі з’явіцца кіраўніцтва арганізацыі.

Сёння, 6 жніўня, супрацоўнікі інспекцыі Маскоўскага раёну звязаліся са старшынёй БХК Алегам Гулаком і запрасілі сустрэцца дзеля ўручэння адпаведнага прадпісання.

 

Алег Гулак лічыць, што правядзенне комплекснай праверкі дзейнасці БХК падаткавымі органамі менавіта зараз, падчас выбарчай кампаніі, прадпрымаецца з мэтай адцягнуць сілы праваабаронцаў ад правядзення маніторынгу выбараў. Старшыня БХК таксама адзначае, што гэта ўспрымаецца як частка агульнай кампаніі па дыскрэдытацыі дэмакратычных структураў, і праваабаронцаў у прыватнасці. Не выключае праваабаронца, што праверка ажыццяўляецца і з мэтай запалохвання актывістаў арганізацыі.

 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international