Праваабарончы цэнтр «ВЯСНА»

31 ліпеня былога намесьніка старшыні Смаргонскай суполкі Моладзі БНФ, Жаромскага Вадзіма, забралі з працы і адвезьлі ў аддзел Смаргонскага КДБ, дзе пад пратаколам узялі тлумачэньне адносна тэракту 3 ліпеня, а пасьля ўзялі адбіткі пальцаў у будынку міліцыі.

Нагадаем, гэта ўжо трэцьцяя сустрэча сп-ра Жаромскага зь сілавымі структурамі Беларусі за апошні месяц. Да гэтага да яго ўжо прыходзілі два разы "людзі ў форме" (адзін раз дадому, другі раз на працу) і распытвалі пра выбух.