Пры спробе вярбоўкі намесьніка старшыні “Маладога Фронту” Сяргея Лісічонка супрацоўнік КДБ сказаў, што Камітэт ставіць за мэту вымусіць Паўла Севярынца папрасіць палітычнага прытулку за мяжой

2005 2005-04-11T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

30 сакавіка намесьнік старшыні “Маладога Фронту”, сябра Партыі БНФ Сяргей Лісічонак у цэнтры гораду быў спынены супрацоўнікам КДБ, які прадставіўся “Кірылам”. Супрацоўнік КДБ завёў спачатку гутарку пра “Малады Фронт” і актывізацыю дзейнасьці моладзевай арганізацыі падчас апошніх вулічных акцыяў. Затым “Кірыл” сказаў пра Паўла Севярынца, які зараз праходзіць у якасьці абвінавачваемага па крымінальнай справе, што той “пасаджаны на кручок”, таму абмяжоўваць ягоную палітычную дзейнасьць стала значна прасьцей. Таксама было заяўлена, што мэта КДБ – вымусьць Севярынца папрасіць палітычны прытулак за мяжою.
Затым супрацоўнік КДБ пераключыўся на асобу самога Сяргея Лісічонка, якому было прапанавана прадстаўляць у Камітэт інфармацыю, датычную “Маладога Фронту”. За гэта прапаноўвалася “карысная інфармацыя” аб іншых палітычных партыях, моладзевых арганізацыях, а таксама гарантавалася магчымасьць для “Маладога Фронту” праводзіць любыя сходы і сустрэчы, пазьбягаючы непрыемнасьцяў з боку ўлады. С.Лісічонку было заяўлена аб тым, што ў выпадку адмовы да яго будуць ужытыя палітычныя правакацыі з мэтаю дыскрэдытацыі. Палохалі маладафронтаўца і іншымі формамі ўзьдзеяньня, у тым ліку для таго, каб вымусіць пакінуць краіну. Нягледзячы на тое, што С.Лісічонак адмовіўся ад такой прапановы, яму параілі “сурьёзна падумаць”.
Сам Сяргей тлумачыць сітуацыю наступным чынам: “Па-мойму, рэжым баіцца тых настояў, якія пачынаюць панаваць у беларускім грамадзтве. Баіцца паўтору ўкраінскіх, грузінскіх сцэнароў у Беларусі. Відавочна, да размовы са мною КДБ падштурхнула маё нядаўняе абраньне каардынатарам мабілізацыйнай кампаніі па г. Менску”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international