Апазіцыйныя партыі лідзіруюць?

2008 2008-07-28T16:36:00+0300 1970-01-01T03:00:00+0300 be

Літаральна два дні засталіся да завяршэння рэгістрацыі ініцыятыўных групаў па вылучэнні кандыдатаў у дэпутаты Палаты прадстаўнікоў. Прапануем аналіз статыстыцы па заяўках.

Паводле афіцыйных дадзеных, усяго пададзена 448 заяваў на рэгістрацыю ініцыятыўных групаў. Пакуль пра адмовы ў рэгістрацыі нічога не вядома. З улікам таго, што ў Палаце прадстаўнікоў 110 месцаў, то сярэдні конкурс па краіне ужо складае каля 4 прэтэндэнтаў на дэпутацкі мандат.

 

Рэйтынг лiдзераў па заяўках

 

Ужо сёння можна канстатаваць, што найбольшы конкурс сярод кандыдатаў будзе ў сталіцы - у сярэднім 6,5 чалавек на адно месца. Самы высокі конкурс за межамі сталіцы ў Магілёўскай вобласці - 4,3 чалавека на месца, самы маленькі ў Брэсцкай і Гродзенскай - 3 чалавекі.

 

У ліку партый, прадстаўнікі якіх падалі дакументы на рэгістрацыю ініцыятыўных групаў, лідзіруюць апазіцыйныя. Што тычыцца лаяльных уладзе, то безумоўным лідэрам у гэтай намінацыі з'яўляецца Камуністычная партыя Беларусіі. У спісе заявак на рэгістрацыю ініцыятыўных груп яе прадстаўнікоў больш за усіх астатніх лаяльных партый разам узятых, і роўна столькі ж, колькі ў сваіх галоўных апанентаў - апазіцыйнай Партыі камуністаў Беларускай (18 заявак).

 

На першым месцы па заяўках Аб'яднаная грамадзянская партыя (29), за якой ідзе Партыя БНФ (22). Што тычыцца астатніх, то прадстаўнікоў казулінскай Беларускай сацыял-дэмакратычнай партыі (Грамада) у тры разу больш за шушкевічскай партыі "Беларуская сацыял-дэмакратычная Грамада" - 18 і 6 заявак адпаведна. Пакуль партыйных удзельнікаў кампаніі крыху менш за 1/4 ад агульнай колькасці пададзеных заявак на рэгістрацыю ініцыятыўных групаў.

 

Цікавыя супернікі

 

Што тычыцца цікавых персаналіяў, якія ўдзельнічаюць у кампаніі, то сёлета іх надзвычай многа. Карыстаючыся выпадкам, адзначу толькі некаторыя з іх. Мы ўзгадвалі пра тэрміновы прызыў на тэрміновую службу актывіста руху "За свабоду" Віталя Каратыша, які зарэгістраваў ініцыятыўную групу ў Лунінецкай выбарчай акрузе №13. Ягоны брат Іван паведаміў "Нямецкай хвалі" пра паспяховы збор подпісаў. Калі Віталя зарэгіструюць кандыдатам, то гэта будзе прэцэдэнт удзелу ў кампаніі салдата тэрміновай службу, але калі ён пераможа, то ў Авальнай залі ўпершыню з'явіцца дэпутат у мундзіры шараговага салдата.

 

Не менш цікавы выпадак з былым кіраўніком "Белага легіёна" Сяргеем Чыславым. Нагадаем, ён разам з паплечнікамі быў затрыманы па падазрэнні ў датычнасці да выбуху на канцэрце ў Дзень незалежнасці, не атрымаў абвінавачання і быў вызвалены з-пад варты. Сп. Чыслаў знаходзіцца пад падпіскай аб нявыяздзе і таму не мае магчымасці вярнуцца ў Маскву, дзе апошні час стала жыве.

 

Чалавек, з якога ўлады спрабавалі ляпіць вобраз тэрарыста, вылучаецца ў сталічным раёне Малінаўка па Ясінінскай выбарчай акрузе №100. У яго ініцыятыўную групу ўваходзіць філосаф і метадолаг Уладзімір Мацкевіч. Таму і дзейны дэпутат-камуніст Ігар Карпенка, і прадстаўніца Партыі БНФ Валянціна Свяцкая, якая ідзе па спісе АДС, атрымалі ўдвая цікавага суперніка.  

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international