Гарадзенскага праваабаронцу Віктара Сазонава дапытвалі ў КДБ

23.07.2008. Тэгі: допыт, праваабаронцы, выбары-2008, выбух 4 ліпеня.

Спецслужбоўцы паведамілі гарадзенскаму актывісту, што выклікалі яго ў сувязі з выбухам, які адбыўся пад час святкаваньня Дня Незалежнасьці ў Менску. Сілавікі патлумачылі, што іх цікавиць вайсковая падрыхтоўка, якую Віктар Сазонаў атрымаў падчас службы ў савецкім войску ў паветрана-дзесантных войсках спецыяльнага прызначэньня. Пасля допыту быў складзены пратакол і ў праваабаронцы ўзялі адбіткі пальцаў.

Сам Віктар Сазонаў расцэньвае дзеяньні КДБ як спробу псіхалагічнага ціску, звязанага з яго праваабарончай дзейнасьцю, а таксама з працай на дзеючай выбарчай кампаніі. Бо, па яго звестках, іньшых саслужбоўцаў, з якімі ён служыў у войску, у КДБ пакуль што не выклікалі.

“Правабаронцы за свабодныя выбары”