Сьпісы ініцыятыўных групаў павінны быць прадстаўлены ў выбаркамы да 24 ліпеня

2008 2008-07-18T14:32:19+0300 1970-01-01T03:00:00+0300 be

Сьпісы сябраў ініцыятыўных групаў па зборы подпісаў у падтрымку кандыдатаў у дэпутаты і заявы аб рэгістрацыі гэтых групаў павінны быць прадстаўленыя ў акруговыя выбарчыя камісіі да 24 ліпеня ўключна. Пра гэта паведаміла старшыня Цэнтрвыбаркама Лідзія Ярмошына.

З моманту ўтварэньня акруговых выбарчых камісіяў у іх могуць паступаць дакументы на рэгістрацыю ініцыятыўных групаў. У пяцідзённы тэрмін камісіі разглядаюць гэтыя заявы. Пасля 24 ліпеня гэтыя заявы прымацца ня будуць. "Кандыдаты, настроеныя на перамогу і на рэальную барацьбу, з гэтай справай не зацягваюць, і, як правіла, здаюць дакументы раней", - падкрэсліла Лідзія Ярмошына.

Адмова ў рэгістрацыі ініцыятыўнай групы можа быць, калі сьпіс складзены з парушэньнем заканадаўства. Напрыклад, калі ў ім менш за 10 чалавек. Гэта абавязковая ўмова. Ініцыятыўная група ня будзе зарэгістраваная, калі ў яе ўключаны хоць адзін грамадзянін без ягонай згоды. Гэта зьяўляецца парушэньнем свабоды волевыяўленьня выбаршчыка, адзначыла кіраўніца ЦВК. У сьпісы таксама ня могуць быць уключаныя непаўнагадовыя грамадзяне да 18 гадоў. Акрамя таго, усе члены групы павінны быць грамадзянамі Рэспублікі Беларусь.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international