Барысаў: Прэтэндэнты ад дэмакратычных партый у акруговыя камісіі не прайшлі
Толькі сёньня, 17 ліпеня, з публікацыі ў газеце "Мінская праўда" стаў вядомы склад акруговых выбарчых камісій па Барысаўскіх акругах №62 і №63, сфармаваных рашэньнем прэзідыума Менскага абластнога савета дэпутатаў і Менскага абласнога выбарчага камітэта яшчэ 14 ліпеня.
Ні адзін з чатырох кандыдатаў у сябры акруговых камісій з ліку актывістаў дэмакратычнай апазіцыі, вылучаных рашэньнямі кіруючых органаў партыі БНФ, БСДП "Грамада" і АГП, а таксама шляхам збору подпісаў, у склад камісій па Барысаўскіх акругах №62 і №63, не ўключаны. На ўдзел у працы камісій прэтэндавалі М.Статкевіч (БСДП "Грамада"), О.Мацкевіч (партыя БНФ і збор подпісаў), Л.Марголін (АГП) і Д.Бабіцкі (збор подпісаў).
Ад грамадскіх арганізацый у склад акруговых камісій па двух Барысаўскіх акругах уключаныя прадстаўнікі РГА "Белая Русь" (Л. Аўгусцінавіч і В. Квятковская), ГА БРСМ (З. Другакоў і Т.Тарасевіч), Ліберальна-дэмакратычнай партыі (З. Палонік) і Камуністычнай партыі Беларусі (А.Пишчухін).
"Праваабаронцы за свабодныя выбары"
