Брэстчанка звярнулася ў ААН

2008 2008-07-15T16:01:00+0300 1970-01-01T03:00:00+0300 be

14 ліпеня актывистка Руху "ЗаСвабоду" з Брэста Інга Абрамава накіравала адозву ў Камітэт ААН па правах чалавека.

Як паведаміў БелаПАН брэсцкі праваабаронца Раман Кісляк, падставай для звароту ў ААН паслужыла беспаспяховае абскарджванне ў Брэсцкім абласным судзе і Вярхоўным судзе Беларусі пастаноў суда Ленінскага раёна Брэста аб прызнанні І.Абрамавай вінаватай у правапарушэнні, прадугледжаным артыкулам 17.1 КоАП (дробнае хуліганства).

І.Абрамава была затрымана супрацоўнікамі міліцыі 10 кастрычніка 2007 года, напярэдадні правядзення ў Мінску акцыі апазіцыі "Еўрапейскі марш", падчас развешвання блакітных стужачак на вадасцёкавых трубах дамоў Брэста. 11 кастрычніка суд Ленінскага раёна прыгаварыў яе да пяці сутак адміністрацыйнага арышту.

"У сваёй адозве ў ААН Інга Абрамава выказвае меркаванне, што яе затрыманне звязана выключна з намерам узяць удзел у "Еўрапейскім маршы", — паведаміў праваабаронца. — Яна таксама ўказвае на шэраг недахопаў пры разглядзе яе справы ў судзе. Так, напрыклад, работнікі міліцыі, пры якіх яны нібыта нецэнзурна выказвалася, на пасяджэнні суда адмовіліся вымавіць сказаныя ёю словы. А патрабаванне Інгі зрабіць гэта пісьмова (каб суд мог ацаніць ступень нецэнзурнасці) задаволена не было. Таксама, на думку дзяўчыны, неабгрунтавана не было задаволена хадайніцтва аб допыце сведкі", — зазначыў праваабаронца.

Такім чынам, указвае ў сваёй скарзе І.Абрамава, былі парушаны яе правы, прадугледжаныя артыкуламі 9 (права на свабоду і асабістую недатыкальнасць), 14 (права на справядлівы і публічны разбор справы кампетэнтным, незалежным і бесстароннім судом), 19 (права на свабоднае выказванне сваіх поглядаў) і 21 (права на ўдзел у мірных сходах) Міжнароднага пакта аб грамадзянскіх і палітычных правах, падпісанага Рэспублікай Беларусь, паведамляе БелаПАН.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international