“Хімічны сьлед” выбуху?

2008 2008-07-15T16:14:00+0300 1970-01-01T03:00:00+0300 be http://spring96.org/files/images/sources/132b.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як паведамлялі ў 2007 годзе сродкі масавай інфармацыі, у Менску па вуліцы Магілёўскай, на кватэры ў 21-гадовага студэнта трэцяга курсу 31 мая ў 17-35 адбыўся выбух, у выніку якога пацярпеў студэнт: шматлікія асколкавыя раненьні абодвух кісцяў, правай стапы, бядра, траўматычны шок і пераломы. У прыватнасьці, са спасылкай на ГУУС Менгарвыканкама пра гэта паведамілі БелаПАН, сайт “Нашай нівы” і некаторыя іншыя СМІ ( напрыклад bntu.info).

 

Выбух адбыўся у выніку праводзімых гаспадаром хімічных вопытаў. Супрацоўнікі міліцыі забралі персанальны кампутар, хімічнае абсталяваньне, сшытак з запісамі па вырабу петард. Праверку праводзіў Кастрычніцкі РУУС сталіцы.

 

Сёньня ёсьць некаторыя падставы меркаваць, што гэтым спецыялістам-піратэхнікам з’яўляўся студэнт Беларускага дзяржаўнага універсітэта інфарматыкі і радыёэлектронікі спецыяльнасьці інжынерна-псіхалагічнае забеспячэньне інфармацыйных тэхналогій Аляксей Шэлег. Супраць яго ў 2007 годзе была ўзбуджаная крымінальная справа і ён быў асуджаны ўмоўна.

 

Як высветлілася, затрыманая па падазрэньні ў здзяйсненьні выбуху ў Менску 4 ліпеня гэтага года студэнтка БДУ Тацяна Пекун тады праходзіла па гэтай справе сведкам. Разам з ёй дапытвалі яшчэ аднаго студэнта, які наведваў “хімічны гурток”. Ён таксама змешчаны ў ізалятар часовага ўтрыманьня па падазрэньні ў дачыненьні да сёлетняга выбуху. Верагодна, што кола затрыманых большае.

 

Такім чынам, праваахоўныя органы, як адну з версій, разглядаюць магчымасць здзяйсненьня выбуху студэнтамі-хімікамі з БДУ.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international