Барыс Хамайда асуджаны на трое сутак

2008 2008-07-11T14:42:52+0300 1970-01-01T03:00:00+0300 be

Апазыцыянэр, на якога сёньня напаў невядомы хуліган, з пацярпелага ператварыўся ў вінаватага.


Спадара Хамайду каля 11-й раніцы даставілі ў Чыгуначны РАУС, каб зарэгістраваць ягоную заяву пра тое, што каля дома №28 па уліцы Леніна на яго зьдзейсьніў невядомы хуліган. Аднак у пастарунку высьветлілася, што сьведкам канфлікту паміж апазыцыянэрам і невядомым мужчынам быў міліцыянт у цывільным, які паказаў, што Хамайда першым парушыў грамадзкі парадак. У міліцэйскім рапарце было запісана, што 60-гадовы апазыцыянэр нібыта нецэнзурна выражаўся на адрас беспрацоўнага 1971-га году нараджэньня, і апошняга адразу ж адпусьцілі.

Суд Чыгуначнага раёну падтрымаў пазыцыю міліцыянта прысудзіў апазыцыянэру трое сутак арышту.

Віцебскі апазыцыянэр лічыць, што супраць яго ўчынілі правакацыю, каб “ізаляваць” яго на час “Славянскага базару” – прынамсі, на першы фестывальны дзень, калі ў Віцебску чакаюць візыту Аляксандра Лукашэнкі.
Супрацоўнікі міліцыі неаднаразова казалі яму пра тое, што ягоная прысутнасьць у цэнтры фестывальнага гораду ў якасьці распаўсюдніка незалежнай прэсы скрайне непажаданая.

Цягам трох мінулых дзён апазыцыянэра тройчы затрымлівалі, аднак праз некалькі гадзінаў адпускалі. Наступныя трое сутак спадар Хамайда правядзе ў ізалятары часовага ўтрыманьня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international