Міліцыя Гомелю далей выклікае апазыцыянэраў “на размовы”

2008 2008-07-09T15:48:00+0300 1970-01-01T03:00:00+0300 be

У Цэнтральны райаддзел міліцыі Гомелю, апрача прыхільніка стваранай партыі “Беларуская хрысьціянская дэмакратыя” Кастуся Жукоўскага, адмысловай позвай выклікалі й моладзевую актывістку Марыю Тульжанкову:

“Выклікалі ў Цэнтральны РАУС з мэтай правесьці нейкую размову. Падаецца, з той жа нагоды, што й Кастуся Жукоўскага, то бок пра выбух у Менску. У паштовую скрыню позву ўкінулі. Напісана было па стандартным узоры — “у якасьці сьведкі”. Але слова “сьведка” яны закрэсьлілі і карэктарам замазалі і напісалі “для гутаркі”. Так непрафэсійна спрацавана. Таму я нават не тэлефанавала ім. Вырашыла не ісьці. Нейкія там размовы — яны ня маюць афіцыйнага статусу”.

Зрэшты, як кажа спадарыня Тульжанкова, позьве ў міліцыю яна вельмі зьдзівілася. Нядаўна Марыя абараніла ў мастацкай вучэльні дыплёмную працу па-беларуску, прычым на вышэйшую адзнаку, і цяпер адпачывае. 3 ліпеня яна наагул не выяжджала за межы вобласьці.

Увесну Марыю Тульжанкову пакаралі арыштам на сем сутак за ўдзел у гістарычнай экскурсіі па мясьцінах, зьвязаных зь дзяячкай БНР Палутай Бадуновай.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international