Ад Віцебскай вобласьці ў парламенце стане на два дэпутаты меньш

2008 2008-07-02T11:34:22+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У газэце "Савецкая Беларусь" (№ 117 ад 26.06.2008 г.) была апублікавана пастанова Цэнтравыбаркаму № 16 ад 25 чэрвеня гэтага года "Аб стварэньні выбарчых акругаў па выбарах дэпутатаў Палаты прадстаўнікоў Нацыянальнага сходу Рэспублікі Беларусь чацьвёртага скліканьня" з адпаведным дадаткам межаў выбарчых акругаў.

 

Аналіз прапанаванай "нарэзкі" акругаў паказвае, што ў Віцебскай вобласьці іх колькасьць зьнізілася аж на два. Гэта азначае, што і дэпутатаў у парламенце ад вобласьці будзе на столькі ж меньш.

 

У параўнаньні з мінулай парламенцкай кампаніяй адбыліся істотныя зьмены ў Аршанскім рэгіёне. Так, у Лепельскую акругу № 23 увайшоў новы раён - Бешанковіцкі. Аршанскі-Дняпроўскую акругу № 27 на гэтыя выбары ўтвараюць Аршанскі (раней падзяляўся на дзьве акругі) раён, да яго ж упершыню далучылі і Дубровеньскі. У склад Сеньненскай выбарчай акругі № 30 у поўным складзе ўвайшоў Лёзненскі раён.

 

У парушэньне Выбарчага кодэксу, які прадугледжвае прыблізную колькасьць выбаршчыкаў у акрузе ад 60000 да 70000, у Лепельскай № 23 іх прадугледжваецца 70337 чалавек, у астатніх жа - у межах дапушчальнага.

 

Па словах старшыні Аршанскай гарадской арганізацыі АГП З. Храпавіцкага "перанарэзка" акругаў ускладніць працу лакальных кааліцый Аб'яднаных дэмсілаў, бо у шэрагу акругаў прыйдзецца зноў праводзіць працэдуру вызначэньня адзінага кандыдата ад АДС.

"Праваабаронцы за свабодныя выбары" 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international